Европската унија уште во овој квартал планира да ѝ ја достави на Украина првата транша од 90 милијарди евра вредниот пакет за нејзина поддршка. Брисел ќе ги достави 45-те милијарди евра , од кои една третина е наменета за задоволување на буџетските потреби на Украина, додека остатокот ќе се потроши на нејзината одбрана.
Ќе ја распоредиме првата транша од 45 милијарди евра за 2026, уште во овој квартал, една третина од нив за буџетските потреби, и две третини за украинската одбрана. Првиот одбранбен пакет ќе биде за беспилотни летала од Украина за Украина, вреден околу 6 милијарди евра. Значи, нашата порака е јасна, ќе продолжиме со нашата поддршка за храбриот Украински народ и нивните вооружени сили, изјави претседателката на европската комисија урсула фон дер лајен.
На Киев очајно му се потребни овие средства за да спречи финансиски крах, но и да го продолжи спротивставувањето на руската агресија.