Лидерите на Европската Унија на состанокот во Кипар треба да почнат да подготвуваат прирачник за тоа што треба да се случи ако земја од ЕУ што е нападната упати повик за помош од партнерите во блокот, изјави претседателот на Кипар.
Тој рече дека лидерите на ЕУ ќе разговараат за „давање суштина“ на член 42.7 од договорите на блокот, кој ги обврзува сите 27 земји-членки да си помагаат едни на други во време на криза.
–Имаме член 42.7 и не знаеме што ќе се случи ако некоја земја – членка го активира овој член. Затоа ќе разговараме и ќе подготвиме, да речеме, оперативен план за тоа што ќе се случи во случај некоја земја-членка да го активира овој член, а има голем број прашања. Споменавте едно. Постојат одредени земји-членки на Европската Унија, мнозинството земји-членки во Европската Унија, кои се исто така земји-членки на НАТО. Во НАТО го имаме Член 5. Па што ќе се случи во оваа ситуација ако една земја-членка е и земја-членка на НАТО и земја-членка на ЕУ? Што ќе се случи? Кои земји ќе интервенираат за да ги поддржат соседните земји, сите земји? Значи, треба да дадеме суштина и затоа ќе разговараме за ова прашање за време на неформалниот европски самит во Кипар, потенцира Никос Христодулидес, претседател на Кипар.