Американскиот претседател, Доналд Трамп, најави дека е подготвен да продолжи со бомбардирање на Иран доколку разговорите во Пакистан, за кои во моментов не се знае дали воопшто ќе се одржат, не поминат добро.
Во телефонското интервју за телевизијата CNBC, Трамп беше директно прашан дали ќе продолжи со нападите ако нема напредок во претстојните разговори во Исламабад.
„Па, очекувам да бомбардирам бидејќи мислам дека тоа е подобар пристап за почеток“, рече Трамп. „Но, знаете, ние сме подготвени. Мислам, војската едвај чека да почне.“
На прашањето дали ќе го продолжи примирјето ако има напредок во следната рунда разговори со Иран, Трамп рече:
„Па, не сакам да го направам тоа. Немаме многу време.“ Тој додаде дека Иран „имал избор“ и дека „мора да преговара“.
Сепак, останува нејасно кога точно истекува примирјето. Вторник навечер беше крајниот рок кога паузата беше најавена пред две недели, но Трамп во понеделник за Блумберг изјави дека примирјето ќе истече во среда навечер.