Министерство за образование и наука информира дека од денеска до 5 март 2026 година трае рокот за пријавување за правото на субвенциониран студентски оброк за академската 2025/2026 година.
Правото може да го користат редовни студенти на додипломски студии со месечен приход понизок од минималната нето плата, како и студенти на постдипломски и интегрирани студии на државните и приватните универзитети во државата.
Студентите што ги исполнуваат условите, а досега не аплицирале, можат да поднесат електронска апликација преку порталот e-uslugi.mon.gov.mk, каде што се објавени и деталните услови и информации за поддршка.
Можност за повторно аплицирање имаат и студентите на кои им било прекинато правото на субвенциониран оброк, доколку сметаат дека ги исполнуваат условите. Рокот важи и за сите кои не аплицирале во претходните активни периоди.
