Унгарија најави блокада на планираниот заем од Европската Унија за Украина во вредност од 90 милијарди евра, сè додека не се рестартира протокот на руска нафта преку нафтоводот „Дружба“. Испораките на руска нафта до Унгарија и Словачка се прекинати од 27 јануари и според властите во Киев биле последица на руски напад со беспилотни летала кој довел до оштетувања на нафтоводот.
Министерот за надворешни работи Петер Сијарто ја обвини Украина за „уценување“ на Унгарија, со тоа што не ги рестартира испораките на нафта. Тој рече дека владата во Будимпешта ќе го блокира огромниот бескаматен заем што ЕУ го одобри во декември за помош на Киев за задоволување на украинските воени и економски потреби за наредните две години.
Одлуката на Унгарија да го блокира клучното финансирање за Украина доаѓа по два дена по суспензијата на испораките на дизел за Киев, сè додека не се обнови протокот на нафта низ Дружба и на само неколку дена пред четвртата годишнина од инвазијата на Русија.