Се урна стара куќа во строгиот центар на Битола и целосно уништи неколку паркирани автомобили на станари од зградата позната како поранешен ЈАТ. На оваа локација во 2022 година, Општина Битола ги отстрани лимените гаражи на станарите кои тогаш со протести жестоко се спротивставија на ваквата одлука.
Станарите велат дека повеќепати реагирале за лошата состојба на објектот, кој со години претставува опасност, но институциите не презеле никакви мерки.
На вонредна седница одржана во ноември, владеачкото мнозинство во Советот на Општина Битола донесе одлука оваа парцела, која е во сопственост на државата, да се пренамени во јавен паркинг. Сепак, до денес ЈП „Паркинзи“ сè уште не го ставило просторот во функција.
Од претпријатието за Телма информираат дека се чека изработка на сообраќајно-техничка документација, по што ќе започне наплатата за паркирање. Просторот во моменtот е ризичен и небезбеден, a опозицикста ЛДП излезе со реаkција дека од секое сокаче не бидува паркинг.
Сопствениците на оштетените автомобили бараат обештетување.
Емилија Мисирлиевски