Договорот на ТИРЗ со приватна агенција за времени вработувања се склучува веќе неколку години, не се склучува првпат, рече Гоце Димовски, директор на ТИРЗ, за вечерашното интервју во „Топ тема“ на Телма ТВ.
„Се склучи и во 2025 година и во 2024 година, меѓутоа дефинираната вредност не значи дека ќе се исполни целата, односно искористи. Тоа е ако има потреба за нови вработувања на дирекцијата за ТИРЗ во иднина. Знаете, ние се шириме со нови компании, кога има што повеќе компании, треба и повеќе луѓе во зоните да ги опслужуваат. Тоа е договор што бил склучуван и претходните години и едноставно се склучува за потребите на дирекцијата врз основа на потребата од ангажирање на нови работници“, истакна Димовски за најновиот склучен договор за времени вработувања на сума од 760.000 евра.
Димовски нагласи дека во ТИРЗ Тетово нема вработувања, ниту пак имало таму од моментот на негово преземање на дирекцијата на ТИРЗ.
С.Д.
