Во ЕУ се произведуваат речиси 80 милиони тони отпад од пакување годишно, од кои две петтини се хартија и картон, а една петтина е пластика.
Податоците на „Евростат“, генерален Директорат на Европската Комисија сместен во Луксембург, покажуваат дека речиси петтина од амбалажниот отпад е стакло, речиси 16 отсто е дрво, а пет отсто е метал.
Од вкупната количина амбалажен отпад кој го создава секој граѓанин на ЕУ, 35 килограми отпаѓаат на пластика, и од тоа 15 килограми се рециклираат.
Меѓѕ 2013 и 2023 година количината пластичен амбалажен отпад по жител е зголемена за повеќе од шест килограми додека рециклираната количина е зголемена за четири.
Податоците покажуваат дека до 2023 година се рециклирани 42 отсто од произведениот амбалажен пластичен отпад во однос на 38 отсто десетина години порано.
Се наведува дека и по нивото на рециклирање предничат Белгија и Летонија со 60 отсто додека на крајот се Унгарија со 23 отсто, Франција со 26 и Австрија со 27 отсто.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.