Претседателот на Русија, Владимир Путин новите американски санкции ги оцени како непријателски чин, кои не придонесуваат за зајакнување на руско-американските односи.
Американскиот претседател Доналд Трамп воведе санкции за руските нафтени компании.
Путин наведе дека поради санкциите ќе има одредени загуби, но оти нема значително да влијаат врз руската економија.
-Ова е непријателски чин кон Русија. Тоа е очигледно. Тоа не помага во зајакнувањето на руско-американските односи кои штотуку почнаа да се опоравуваат. Таквата акција на американската администрација сигурно им штети на односите меѓу Русија и САД. Тие, секако, се сериозни за нас, тоа е јасно, и ќе имаат одредени последици. Сепак, тие нема да имаат значително влијание врз нашата економија, изјави Путин.
Тој го коментираше и откажувањето на средбата од страна на Трамп, истакнувајќи оти американскиот претседател најверојатно мислел на пролонгирање, а не на целосно откажување.
Путин ги предупреди САД, потенцирајќи дека Русија силно ќе одговори во случај на напад со американски ракети „Томахавк“ врз руска територија.
– Доколку такво оружје се користи за напад врз руска територија, одговорот ќе биде многу силен. Да не кажам зачудувачки. Нека размислат за тоа, истакна претседателот на Русија.