Првиот круг од локалните избори во Македонија забележа рекордно ниска излезност. Избирачките места ги посетија 46,63% од граѓаните со право на глас. Според Државната изборна комисија (ДИК), од вкупно 1.832.415 избирачи, гласале 854.620.
Ова е првпат излезноста во прв круг од локални избори да падне под 50%, што аналитичарите го толкуваат како сериозен знак за политичка апатија и недоверба во институциите. Дополнително, евидентирани се речиси 50.000 неважечки ливчиња, што всушност е најмногу досега.
Вториот круг ќе се одржи во општините каде што ниту еден кандидат не освои мнозинство. Политичките партии се повикани на сериозна анализа и мобилизација пред продолжението на изборниот процес.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.