Европската унија разгледува опција новите членки да се приклучуваат под пофлексибилни услови – со ограничени права на одлучување, вклучително и без право на вето – со цел да се забрза процесот на проширување. Според бриселски „Политико“, идејата е новите држави да ги користат повеќето придобивки од членството, а целосни права да добијат по институционалните реформи на ЕУ. Поддржувачите на оваа иницијатива, меѓу кои Австрија и Шведска, сметаат дека вака ќе се надминат блокадите од поединечни земји-членки како Унгарија, кои често го кочат процесот. Германскиот пратеник Антон Хофрајтер посочи дека Унијата мора да остане функционална дури и во проширен состав, при што идните членки би се откажале од правото на вето додека не се воведе квалификувано мнозинство во носењето одлуки.
