Кампањата не донесе иновација во настапот на кандидатите и мислам дека тоа се должи и на фактот дека недостасува неизвесност, смета Бесим Небиу, политички аналитичар, во вечерашната дебата во „Топ тема“ на Телма ТВ.
„Кога не е неизвесно, кога знаеме кој ќе победи, мислам дека политичките, посебно оние кои што се фаворити, нема потреба премногу да ветуваат, бидејќи знаат дека ќе победат на избори. И ќе победат и со помалку ветувања и со повеќе ветувања и логично е да има помалку напор, бидејќи тоа е, фактички, придобивката од политичкиот натпревар. Кога има политички натпревар, има неизвесност и секој се обидува да придобие што е можно поголем број на, посебно, неопределени гласачи или некои кои седат дома. А кога анкетите се такви, 3:1, 4:1, 2:1, тогаш нема ниту голема мотивација да го прават тоа кандидатите“, истакна Небиу.
С.Д.