Вулканот Килауеа на Хаваи повторно еруптираше, исфрлајќи лава од својот кратер на врвот и создавајќи спектакуларна глетка што ги воодушевува локалните жители, туристите и онлајн набљудувачите.
Ова е 35-та ерупција од декември минатата година наваму. Според научниците, сите досегашни ерупции се дел од истото вулканско дејство, бидејќи магмата се движи по ист пат до површината.
Последната ерупција започна рано во петокот и се карактеризираше со силни фонтани од лава кои достигнаа височина од околу 400 метри – повисоко дури и од Емпајер стејт билдинг во Њујорк.
Истражувачите внимателно го следат развојот на активноста на Килауеа, еден од најактивните вулкани во светот, и засега нема најави за непосредна опасност по населените места.
T.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.