8,357 милијарди евра граѓаните и компаниите им должат на банките. 4,220 милијарди е долгот на граѓаните, додека 4,056 милијарди евра должат компаниите. Според податоците на НБРM за мај банките располагаат со 9,904 милијарди евра депозити на граѓаните и компаниите. Депозитите на граѓаните изнесуваат 6,696 милијарди евра, а на компаниите 2,782 милијарди евра.
Вкупните кредити за еден месец пораснале за 1,1%, додека вкупните депозити за еден месец пораснале за 1,4%. Rастот кај кредитите на годишно ниво изнесува 12,1%, а кај депозитите 12,2%.
Овој месец на месечно и годишно ниво граѓаните најмногу се задолжувале преку потрошувачките и станбените кредити, покажуваат податоците на НБРМ, забележан е месечен раст од 1,2%, соодветно, при годишен раст од 9,6% и 14,4%. Повеќе од 2,17 милијарди евра е износот на потрошувачките кредити, додека 1,62 милијарди евра изнесуваат станбените кредити.
