Реал Мадрид ремизираше само 1-1 со Ал Хилал, Јувентус го декласираше Ал Аин, додека Салцбург беше подобар од Пачука. Со овие натпревари се комплетираше 1.коло од групната фаза на Светското клупско првенство. Денеска веќе почнуваат натпреварите од втората рунда.
Реал Мадрид синоќа одигра само 1-1 со Ал Хилал во рамки на групата Х. Младиот напаѓач, Гонзало Гарсија, кој настапи на местото на болниот Килијан Мбапе, го отвори резултатот во 34-тата минута по асистенција на Родриго. Во 41-та минута, Саудијците израмнија на 1-1 од пенал преку Рубен Невеш. Реал имаше шанса да му донесе победничко деби на клупата на Чаби Алонсо, но Федерико Валверде не реализираше пенал во 92-та минута, односно голманот Јасин Боно успеа да го одбрани неговиот удар од белата точка.
Во оваа група Салцбург со 2-1 беше подобар од Пачука. Глук со одличен удар од далечина ги доведе Австријците во водство во 42-та минута. Гонзалес израмни за Мексиканците во 56-тата, а победата на Салцбург му ја донесе Онисиво во 76-тата. Во следното 2.коло, Реал игра против Пачука, а Салцбург против Ал Ахли.
Јувентус славеше со 5-0 против Ал Аин од Обединетите Арапски Емирати во рамки на групата Г. Победникот беше решен уште во првото полувреме по кое италијанскиот состав водеше со 4-0. Рандал Коло Муани стрелаше два пати, а по еднаш погодија Франциско Консеисаи и Кенан Јилдиз. Во вториот дел Консеисао со својот втор гол само стави точка на „петардата“ на Јувентус на стартот на турнирот. Во следното коло, „Старата дама“ игра дуел со Видад Казабланка, додека Ал Аин оди на уште еден европски гигант, Манчестер сити.
ФУДБАЛ СВЕТСКО КЛУПСКО ПРВЕНСТВО
2.КОЛО
ГРУПА А
ПАЛМЕИРАШ – АЛ АХЛИ (ДЕНЕСКА, 18 ЧАСОТ)
ИНТЕР МАЈАМИ – ПОРТО (ДЕНЕСКА, 21 ЧАСОТ)