Вести Временска прогноза

Променливо облачно со сонце, попладне и навечер нестабилно – Временска прогноза за 18.8.2024

Во недела ќе биде променливо облачно со сончеви периоди. Попладне и во вечерните часови на повеќе места ќе биде нестабилно со пороен дожд и грмежи, локално во форма на невреме со интензивен пороен дожд, силен ветер и град.

Во Скопје променлливо облачно со сонце. Попладне и во вечерните часови во делови од котлината ќе биде нестабилно со пороен дожд, грмежи, засилен ветер и услови за појава на невреме.

Минималната температура ќе се движи во интервал од 13 до 22°C, а максималната од 29 до 37°C.

Вредноста на ултравиолетово зрачење (УВ) ќе биде 7.

Агропрогноза:

Изминатава седмица имавме многу високи температури. Овие температури се загрозувачки за сите земјоделски култури кои предизвикаа интензивна евапотранспирација и поизразено губење на почвената влага. Повеќето од културите, како што се овошките, се наоѓат во фаза на берба. Некои сорти на винова лоза се во фаза на зреење, и недостигот на вода може директно да влијае на синтезата на шеќер, ароматичните и други материи. Градинарските култури се во интезивен раст и берба, и имаат неопходна потреба за вода. Секоја култура во својот развој има потреба од вода, и секој недостиг на вода во овие фази силно се одразува на приносот. Затоа, се препорачува земјоделските производители да ги користат сите можни капацитети за наводнување на културите. Од денес и во следните денови во попладневните и вечерните часови ќе има локална појава на нестабилност со пороен дожд, грмежи и услови за краткотрајно невреме. Поради топлото време, да се почитуваат препораките за работа на отворено и сите активности кои се итни да се извршуваат рано наутро или приквечер.

Информација од утрово:

Минимална температура (во °C)

13 Берово, 15 Лазарополе, 16 Крива Паланка, Маврови Анови, 17 Битола, 18 Тетово, Охрид, Претор, Крушево, Попова Шапка, 19 Прилеп, Струмица, 20 Демир Капија, 21 Скопје-Петровец, Штип, Виница, Гевгелија, Куманово, Велес, 22 Скопје-Зајчев Рид, Кавадарци.

Наврнат воден талог за изминатите 24 часа до 8 часот (во л/м²)

5 Берово, 3 Крушево.
Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Температура на вода, измерена во 7.30 часот (во °C)

Охридско Езеро 25.0, Преспанско Езеро 23.5, Дојранско Езеро 27.2

Деталите во Телма МЕТЕО со Ирена Лазарова – Димитровска, во соработка со УХМР!

e-mail: [email protected]

https://www.instagram.com/telmameteo/

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

(видео)Брутална ликвидација во Киев, на социјалните мрежи се споделува видео од убиството на Иван Воронич, клучниот човек на Зеленски

Дејан Дејан

Пожари во Чучер Сандево, Прилеп, Македонски брод, Дојран, Крива Палнка и Чашка

Дејан Дејан

Зачуван статусот на Охридското Езеро како светско природно и културно наследство

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе