Доколку даночната политика не се олесни, барем да остане на истото ниво, какошто е во моментов, ова се дел од очекувањата на бизнис секторот од новата Влада. Партиите кои ќе ја формираат новата Влада во предизборието беа на гости кај македонските работодавци, со презентирање на нацрт Програмите во делот на економијата.
Извршниот директор на Стопанската комора Антони Пешеви денеска од Штип им порача дека реалниот сектор очекува она што го ветиле да го испорачаат и во пракса.
Стопанството смета дека дуалниот образование во средните стручни училишта веќе дава резултати. Според бизнис заедницата овој добар пример треба да се примени и во високото образование, бидејќи последните анализи покажуваат дека во време кога се развиваат модерни технологии и вештачката интелегенција на земјава потребно е 50% од вработените да бидат високо едуцирани.
Идните студентите на штипскиот Универзитет „Гоце Делчев“ денеска преку дебати и презентации од страна на компаниите имаа можност да се запознаат што им нудат во текот на студирање, но и какви можности за вработување по оформувањето на своето образование.
Викторија Димитрова Јованова