Јас не сум децидно против внесување на Бугарите во Уставот, тврди претседателскиот кандидат Стевчо Јакимовски во вечерашното интервју на Телевизија Телма.
Не сум децидно против внесувањето на Бугарите во Уставот, но сум децидно за комплетно затворање на бугарското прашање. Тоа значи тој целиот пакет да се затвори. Јас и на лидерската средба го поставив прашањето: Ќе дадете ли одговор за тоа дали сме нација од 1944, или сме биле откако постоиме? Второ, дали нашиот јазик е бугарско наречје, или е посебен Македонски јазик? Дајте одговор на овие две прашања, а за историските личности историчарите нека вадат документи, нека вадат докази дали некој бил Бугарин, дали бил Македонец, можеби и никогаш нема да се договорат, но тоа не може да биде услов за наш влез во ЕУ, инсистираше Јакимовски.
Според него, ако не добиеме одговори на овие две прашања, тој не може да се сложи внесувањето на Бугарите во Уставот да биде услов за влез во ЕУ.