Џа Морант се врати во составот на Мемфис по 25 натпревари суспензија и му донесе победа на гостувањето кај Њу Орлеанс од 115-113. Ѕвездата на Гризлис постигна 34 поени на својот прв натпревар сезонава меѓу кои и решавачките за триумф со звукот на сирената. Џарен Џексон имаше 24 поени, а кај Пеликанс со 34 поени најдобар беше Брендон Инграм.
Голден Стејт го совлада Бостон со 132-126 по едно продолжение. Стеф Кари имаше 33 поени за Вориорс, додека кај Селтикс најдобар беше Дерик Вајт со 30 поени.
Милвоки со 132-119 го победи Сан Антонио. Демијан Лилард имаше највисоки сезонава 40 поени, а Јанис Адетокумпо оствари трипл-дабл со 11 поени, 14 скока и 16 асистенции.
Портланд се врати од негатива од 22 поени за да го победи Феникс со 109-104. Ниту 40-те поени на Кевин Дурент не беа доволни за Санс, кои го запишаа петтиот пораз на последните седум натпревари.