Сѐ помалку населението во полошко се занимава со земјоделие. Нивите нема кој да ги обработува, затоа што младите заминуваат во странство барајќи подобар живот. На пазарите се претежно повозрасните жители, кои раскажуваат дека луѓето дури и се радуваат ако продадат земјоделска површина, каде што треба да поминува Коридорот 8.
Земјоделците велат дека државата треба да посвети многу внимание на земјоделието. Тие се жалат дека препаратите и семето се скапи, домашниот род е сѐ помал и имаат загуби.
Една година ќе заработиш добро, десет години не, како ќе живееш? Минатата година засадив 25 тони тикви, оваа година немам 4 – 5 тони. Семето е скапо. За домат едно семе (за 500 парчиња) е 65 евра, а дали ќе излезе толку? Не излегува. Еве 10 години сејам домат, земаш 3.000 излегува 1.000, реагираат тие.
Понудата пазарите е помала за разлика од претходните години и претежно се продаваат увозни производи. Цените се високи, а куповната моќ на граѓаните е многу намалена.
Данијела Билбилоска
