Вести Спорт

Kаратистите на „Макпетрол“ освоија шест медали на Балканското првенство во Тирана

На сениорското балканско карате првенство, што во Тирана се одржа од 22 до 24 септември, членовите на карате клуб „Макпетрол“ се закитија со четири сребрени и две бронзени медали. Како дел од македонската репрезентација, Викторија Јовановска од скопски „Макпетрол“ се закити со сребрен медал. Таа е вицешампион во категоријата под 61 килограм. Петар Заборски (-75 кг.), пак, освои бронзен медал.

– На ова најсилно регионално првенство земаа учество 11 држави, а од нашиот клуб замина сениорскиот состав. Задоволни сме од постигнатото иако имаме квалитет и можности за многу поголеми резултатски постигнувања. Освоивме вкупно шест медали, од кои две во поединечна конкуренција, а четири во екипна, односно со тимовите во борби. Најдобар успех во поединечните настапи постигна Викторија Јовановска (-61 кг.) која влезе во финалето и освои сребрен медал, како и Петар Заборски (-75 кг.) , кој се закити со бронза – изјави тренерот на „Макпетрол“, Бошко Заборски.

Тирана беше домаќин на Балканското првенство за сениори, а во рамки на турнирот имаше и ревијален дел за ветерани. Освен во борби, се одржаа и натпреварувања во кати. На шампионатот учествуваа по четири најдобри спортисти во секоја категорија од 11 земји, со пријавени вкупно 311 спортисти.

Освојувачи на медали во Тирана од „Макпетрол“ во индивидуална конкуренција во борби се Викторија Јовановска (сребро, -61 кг.) и Петар Заборски (бронза, -75 кг.). Петар Спасеновски, Витомир Трајковски и Стефан Стојановиќ беа дел од македонската карате-селекција што освои сребрен трофеј во екипна конкуренција кај мажите, додека со бронза се закити Ангела Мојсовска, која беше во женскиот тим. На турнирот учествуваа и Јована Мицовска и Данило Божовиќ.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Европратениците утре ќе гласаат за извештајот за Македонија

Дејан Дејан

Ангелов: Имаме доброволци, имаме професионалци од ТППЕ, цврсто сум решен да направам и специјалци пожарникари

Дејан Дејан

Ангелов: Зад сите пожари, би рекол, стои човечки фактор, лани имавме неколку пожари од грмотевици и од допир на жици

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе