Еднo лице загина во пожарот што утрово нешто по 9 часот избувна во стан на улица Исаија Мажовски во скопската населба Хром.
Засега нема детали за полот и за идентитетот на загинатото лице, а причините за смртта дополнително ќе се утврдуваат.
Интервенираше противпожарната бригада на Град Скопје со три противпожарни возила, а гореше на четвртиот кат од петкатницата.
На местото беа распоредени и екипи на итната медицинска помош, но првичните информации говорат дека нема повредени лица.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.