Во рамките на манифестацијата „Денови на македонската култура“ што ќе се одржи во белгиската престолнина, Националниот џез оркестар ќе настапи утре ( 5 мај 2026 год.) во престижниот културен центар „BOZAR“ во Брисел, со програмата, насловена „Македонски сновиденија“.
- „Македонски сновиденија“ е уникатна фузија на македонски фолклорни мотиви и современ џез. Вистинска музичка приказна која Националниот џез оркестар со гордост ја
носи на сцената на културниот центар „BOZAR“, претставувајќи ја македонската културна и музичка традиција во современ контекст, се вели во соопштението од НЏО.
Диригент на концертот е маестро Владимир Николов. Концертот во „BOZAR“ е дел од пошироката програма на „Денови на македонската култура“, која што има за цел да ја афирмира македонската уметност и култура пред европската публика.
Манифестацијата е организирана и поддржана од страна на Министерството за култура.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.