Судењето против деветтемина полицајци во случајот со дискотеката „Пулс“ започна со подготвително рочиште

Судењето против деветтемина полицајци обвинети за злоупотреба на службената положба во случајот со дискотеката „Пулс“ во Кочани започна денеска со подготвително рочиште.

Одбраната ги дополнуваше листите со докази, а дел од адвокатите кажаа дека не добиле потребна документација од МВР за да може да направат вештачења.

Обвинителката кажа дека ќе се произнесе по сите докази на одбраната, кога ќе биде готова листата на докази.

Обвинителството ги товари полицајците дека не провериле дали „Пулс“ ги исполнува условите од сообраќаен аспект, нешто што било неопходно за да добие лиценца за работа од министерството за економија.