Германскиот канцелар Фридрих Мерц денеска се заложи за посилна и безбедносно посамостојна Европа и ги повика САД за заеднички да ги поправат нарушените трансатлантски односи во првата година од вториот мандат на Доналд Трамп во Белата куќа.
Отворајќи ја безбедносната конференција во Минхен, Мерц нагласи оти поделби постојат и дека „борбата на МАГА (Make America Great Again) не е наша броба и дека не веруваме во протекционизам и царини, туку во слободна трговија“. Нагласи дека и двете страни од Атлантикот требаат да знаат дека „заедно сме посилни“.
„Дури и САД во ера на големите сили ги дистигнуваат границите на сопствена моќ ако продолѓат сами. НАТО не е само наша, туку драги американски пријатели, и ваша компаративна предност“, порача Мерц пред присутните челниците, меѓу кои и американски претставници.
Германскиот канцелар смета дека, и покрај потешкотиите, партнерството со САД мора да продолжи.
„Партнерство да, хегемонија не“, истакна Мерц.
Според него, „Европа се вратила од годишен одмор“ и сфатила дека мора да зајакне, ако сака да биде актер во ера на големите сили – САД, Кина и Русија.
„Наша прва задача како Европјани и како Германци е да ја прифатиме таа нова реалност. Европа мора да ја освети состојбата на итност и да стане актер на светската политика со сопствена безбедносна политика. Тоа бара жртви, не еден ден во иднина, туку денес“, нагласи Мерц.
Истакна дека Германија, која се „воздржувала од дрѓавна моќ“ по Втората светска војна, сега забрзано се вооружува и вложува во технологија.
„Сакаме што поскоро да гонаправиме Бундесверот најсилона војска во Европа“, додаде меѓудругото Мерц.
С.Д.