Рускиот претседател Владимир Путин повторно ги нагласи неговите клучни услови за прекин на војната, изјавувајќи дека Русија ќе престане со својата специјална операција само ако украинските сили се повлечат од териториите што Москва ги смета за свои.
Станува збор за Крим и голем дел од Донбас, чие откажување Киев го смета за неприфатливо и „наградa за агресијата“.
Украинскиот претседател Володимир Зеленски порача дека Русија „ги презира“ напорите за вистински крај на војната, додека Москва тврди дека има иницијатива на фронтот.
Американската и украинската страна во Женева веќе дискутирале ревидиран предлог за мировен план, кој наводно ќе служи како основа за идни разговори, иако статусот на окупираните територии останува најголемата пречка.
Следната недела во Москва се очекува американска делегација предводена од специјалниот пратеник Стив Виткоф, а можно е да се приклучи и Џеред Кушнер… И покрај оптимизмот од Вашингтон, европските лидери остануваат скептични дека Путин навистина има намера да ја заврши војната.