Јавното претпријатие за државни патишта соопшти дека во периодот од јануари до септември годинава инкасирало вкупно 3,6 милијарди денари или 58,7 милиони евра од наплата на патарина.
Најголем месечен приход е остварен во август – 494 милиони денари, односно над 8 милиони евра, додека во јули биле собрани околу 7,6 милиони евра, а во септември 6,5 милиони евра.
Најпрофитабилна наплатна станица е „Романовце“, додека најмал приход е евидентиран на „Кадрифаково“ на автопатот Скопје–Штип.
Во септември, прометот преку електронска наплата изнесувал над 30 милиони денари преку профактури и речиси исто толку преку онлајн надополнување, додека преку системот „Отворен Балкан“ биле инкасирани над 10 милиони денари.
Од ЈПДП информираат дека електронската наплата на патарините достигнала 35 проценти од вкупниот промет.
Во тек е подготовката на нов проект за надополнување на МТаг и Мкард преку правни лица, кој треба да овозможи поедноставен и побрз систем за корисниците.