Лихвари зеле 700 илјади денари камата за долг од 80 илјади

Полициски службеници од ОВР Кавадарци лишиле од слобода две лица, татко и син, поради сомнение за сторено кривично дело „лихварство“.

Според пријавата, тие во јуни 2023 година му позајмиле 80.000 денари на 71-годишен маж од Неготино, а потоа му наплатувале прекумерни камати.

Оштетениот, кој неделно требало да враќа по 20.000 денари, на крај исплатил повеќе од 700.000 за истиот долг. Полицијата по судска наредба извршила претрес во домот на осомничените и пронашла предмети поврзани со делото.

Известен е јавен обвинител, а по целосно документирање на случајот против таткото и синот ќе биде поднесена соодветна кривична пријава.

Т.Д.