Единаесет лица загинаа, а 35 се повредени во пожар што синоќа го зафати Домот за пензионери во Тузла, јавија утрово сараевските медиуми.
Меѓу повредените има и тројца полициски службеници и петмина пожарникари.
Според информациите, пожарот избувнал околу 21 часот на седмиот кат од зградата, каде што биле сместени неподвижни и тешко подвижни лица.
Екипи на противпожарната служба, полицијата и итната медицинска помош веднаш излегле на терен, а повредените биле пренесени во Универзитетскиот клинички центар во Тузла.
Истражните органи ја утврдуваат причината за пожарот.
Најмалку десет загинати и 20 повредени во пожар во пензионерски дом во Тузла
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.