Поранешен директор на Јавното претпријатие „Комуналец“ – Струмица, е осомничен дека во повеќе наврати злоупотребил службена положба и овластување.
Тој, без соодветна анализа и спротивно на правилниците и законот, си исплатувал додатоци на плата од 6.000 до 9.000 денари месечно.
Со овие исплати, според полицијата, се стекнал со противправна имотна корист од над 550.000 денари.
Дополнително, во септември и октомври 2021 година, тој донел уште седум идентични решенија за други вработени во претпријатието, со што им овозможил незаконска добивка од вкупно 312.000 денари.
Вкупната штета за буџетот на ЈП се проценува на 864.520 денари.
Случајот е пријавен до Основното јавно обвинителство во Струмица, кое треба да одлучи за понатамошното постапување.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.