Премиерот Христијан Мицкоски, во рамките на официјалната посета на Лондон и учеството на Самитот за Западен Балкан – Берлински процес, оствари средба со Кралот Чарлс III.
Средбата, како што објави Мицкоски на својот „Фејсбук“ профил, била искрена и содржајна, со фокус на пријателството меѓу Македонија и Обединетото Кралство, стабилноста, развојот и заштитата на животната средина.
„Оваа средба е признание и почит, но и поттик да продолжиме по патот на заедничките вредности, довербата и партнерството“, порача Мицкоски.
Во британската престолнина, премиерот ќе оствари и низа билатерални средби насочени кон економска и инфраструктурна соработка. Дел од владината делегација се и министрите Николоски, Муцунски, Кочоска-Димитриеска и Муртезани.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.