Минималната плата во Србија ќе биде поголема од 500 евра од 1 октомври. Како што е објавено во српскиот „Службен весник“, висината на минималната цена на работа во земјата ќе изнесува 337 динари по работен час, без даноци и придонеси. Одлуката, се додава, ја донел Социјално-економскиот совет на седница што се одржала на 15 јули.
На седницата било договорено минималната цена на труд во Србија да биде зголемена за 9,4 отсто и од сегашните 450 евра, ќе биде над 500 евра. Одлуката за вонредно зголемување била донесена едногласно, како резултат на социјалниот дијалог, а оти зголемувањето е одредено врз основа на анализи на потребите на работниците во Србија и анализата на потрошувачката кошничка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.