Вести Економија Македонија Најважни

Мостот „Беласица“ во мај ќе слави роденден, една година од пожарот кој го затвори

И по речиси една година мостот Беласица е полуфункционален. Откако беше оштетен во пожар прво целосно се затвори за сообраќај, а потоа беше пуштена по една лента во двата правци. И по толку месеци се трага по оној кој треба да ја заврши работата за да може Беласица, целосно да се стави во функција.

Се почна во мај лани кога изби пожар во кој беше оштетен мостот Беласица. Поради тоа  едната од главните сообраќајни артерии во градот се затвори.

Пламените јазици ги зафатија и електричната инсталација, но и топловодот  преку кој од ТЕТО се испорачува топлинска енергија за време на грејната сезона.

Почнаа анализи колкава е штетата, колку време ќе биде потребно да се санира и кога би можело да се очекува да биде пуштен во употреба за да се растерети градот од гужвите кои настанаа поради затворањето на овој мост.

Но, наместо одговори кога би се случило тоа ЕСМ и Град Скопје со месеци се препукуваа кој треба да ја доврши работата.

И по толку време мостот е полуфункционален.  Се уште стојат барикади кои го обележуваат местото каде не можат да движат возила.

Повторно на прашањето што се случува со мостот. Од Град Скопје со речиси идентичен одговор како и претходно. Тие навреме почнале со сите активности, но за да биде пуштен целосно ЕСМ треба да ги заврши финалните работи.

Ги прашавме и електрани дали тие се тие кои треба да ја довршат работата и до каде е монтажата на топловодот. Но, на одговор од таму се уште се чека.

Сепак, едно е сигурно ако набргу не биде пуштен целосно во употреба, идниот месец мостот Беласица, токму по изборите  ќе одбележи една година од пожарот кој му нанесе проблеми.

Ирена Чачкова

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

На 30 јуни непосредни внатрепартиски избори за претседател на СДСМ

Дејан Дејан

Мицкоски на средба со пратениците од ВМРО-ДПМНЕ и Коалицијата „Твоја Македонија“

Дејан Дејан

Силјановска Давкова: Не гледам дека сум го повредила Преспанскиот договор

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе