12-годишен ученик отвори оган во средно училиште во јужна Финска. Уби најмалку еден ученик и рани двајца, соопшти полицијата. Осомничениот подоцна бил уапсен. Полиција го опколи училиштето, во градот Вантаа, близу Хелсинки, во кое учат околу 800 ученици. Според полицијата во пукањето кое започнало во 09:08 часот, застреланите, како и осомничениот се на возраст од 12 години. Осомничениот бил уапсен подоцна , а со себе го имал и пиштол со кој пукал. Финскиот премиер Петри Орпо на мрежата Х, објави дека е „длабоко шокиран“ поради пукањето.
Во изминатите децении, Финска беше сведок на две големи смртоносни престрелки во училиштата, кои беа убиени 20 луѓе.
Според финското Министерство за внатрешни работи, во нордиската земја со 5,6 милиони жители, има повеќе од 1,5 милиони лиценцирани огнено оружје и околу 430.000 сопственици на лиценца.
Ловот и поседувањето оружје имаат долга традиција во ретко населената северноевропска земја.
Одговорноста за давање дозволи за обично огнено оружје е на локалните полициски оддели. По престрелките во училиштата во 2007 и 2008 година, Финска ги заостри своите закони за оружје со подигање на минималната возраст за поседување огнено оружје и давајќи ѝ на полицијата поголеми овластувања да врши проверки на лицата кои аплицираат за дозвола за оружје.