Телевизија Клан објави фотографија со тврдење дека станува збор за автомобил на Арбен Таравари кој е паркиран во гаражата под ВМРО-ДПМНЕ и дека лидерот на Алијанса бил на средба со Мицкоски.
Подоцна е утврдено дека автомобилот кој е на фотографиите всушност е на претседател на партиски огранок на ВМРО-ДПМНЕ. Партијата на Мицкоски негираше било какви средби, а во демантот приложија и фотографии од шопинг во Виена на која се гледа министерот Артан Груби со брендирани кеси, но приложија и обвинување дека токму Груби ја креирал лажната вест за средбата.
-Прашуваме од каде знае Артан Груби кој е во Австрија (пазарејќи во еден од луксузните продавници на Гучи, Барбери и Версаче) дали Арбен Таравари бил во седиштето на ВМРО-ДПМНЕ, велат од опозициската партија.
-Денес Таравари не беше во ВМРО-ДПМНЕ, а воедно ја разбираме нервозата и фрустрацијата на Груби поради броените денови во власта. Наместо соопштенија во име на медиум и негова злоупотреба како да е прес центар на ДУИ, наредниот пат може да пушти соопштение и од својот личен маил. Се разбира под услов да е точно и вистинито, наведено е во демантот на ВМРО-ДПМНЕ на објавата на Тв Клан Македонија.
