Лидерот во Западната конференција, Оклахома го победи Портланд со 139-77. Со 62 поени разлика, тоа беше петтата најголема победа во историјата на НБА-лигата. Шаи Гилгеус Александер имаше 31 поен за победничкиот тим, а крај него уште петмина други играчи имаа довцифрен ефект во нападот.
На дербито на Истокот, Милвоки со 135-102 го декласираше Бостон. Бакс имаа и највисоко водство од 43 поени во текот на натпреварот, а најпрецизен беше Боби Портис со 28 поени, додека Јанис Адетокумпо со 24 поени и 12 скока. Кај Селтикс, ѕвездите не се изнаиграа па само Џејлен Браун имаше двоцифрен ефект во нападот со 10 постигнати поени.
Кајри Ирвинг со 44 поени и 10 асистенции го водеше Далас до победа Против Њујорк од 128-124. Лос Анџелес лејкерс на домашен паркет загубија од Феникс со 109-127, а Бредли Бил беше најдобар кај Санс со 37 поени. Синоќа еден натпревар се одигра и во Париз, Франција, во кој Кливленд го победи Бруклин со 111-102.