Само еден ден по промоцијата на Џејдон Санчо, кој дојде од Манчестер јунајтед на позајмица, денеска Борусија Дортмунд го промовираше Ијан Матсен.
Левиот бек доаѓа од таборот на Челси исто така на позајмица до крајот на сезоната. Бундеслигашот нема да има право на откуп на Холанѓанецот, кој интересно пред да замине за Германија потпиша нов долгорочен договор со Челси.
Матсен лани играше за Барнли на позајмица, а оваа сезона одигра 12 натпревари за „сините“. Сепак, поради големата конкуренција од таборот на лондонскиот клуб решија 21-годишникот да замине во Борусија и да собере дополнително искуство.