Најдобриот тим во НБА-лигата, Бостон утринава загуби во дербито на Источната конференција од Индијана со 133-131.
Бенедикт Матурин постигна 26 поени за Пејсерс меѓу кои и одлучувачките слободни фрлања на 0,6 секунди до крајот. Домашниот тим остана без првата ѕвезда Тајрис Халибартон, кој се повреди во текот на натпреварот. Селтикс играа без првата ѕвезда Џејсон Тејтум, па ниту 40-те поени на Џејлен Браун не беа доволни за победа.
Милвоки го запиша четвртиот пораз на последните пет средби и тоа од Јута со 116-132 на домашен паркет. Џордан Кларксон и Лаури Марканен постигнаа по 21 поен за Џез, додека кај Бакс, Јанис Адетокумпо оствари трипл-дабл со 25 поени, 10 скока и 11 асистенции.
НА ОСТАНАТИТЕ НАТПРЕВАРИ
Шарлот – Чикаго 112-119 (продолженија)
Вашингтон – Оклахома 128-136
Мајами – Хјустон 120-113
ЛА Клиперс – Феникс 138-111