Претседателот на синдикатот на контролори на летање, Александар Тасевски денеска бил повикан да даде изјава во полиција, откако раководството на македонската навигација поднело пријава дека од него се чувствуваат загрозени по безбедноста, потврди Тасевски во телефонски разговор за Телма.
Тој објаснува дека пријавата поради преписка на е-маил за која тврди дека извадена од контекст, а со која може да се врши притисок врз претседателот на синдикатот.
Повеќе информации Тасевски најави за утре, кога ќе одржи прес-конференција.
Синдикатот на контролорите на летање неколку пати досега обвини дека во агенцијата се вработуваат несоодветни кадри. Претходно, раководители на инженерски сектори поднесоа оставки на функциите, поради несогласување со начинот на кој биле вработени последните кадри кои избегнале тестирање.
Извршниот директор на М-НАВ, Фахрудин Хамиди тогаш изјави дека нема политички влијанија, а дека кандидатите се примени по истата процедура како и на претходните огласи.