Македонската фудбалска репрезентација на 3. јуни 2024. ќе одигра контролен натпревар против Хрватска во Ријека. „Коцкестите“ ќе се подготвуваат за настап на Европското првенство во Германија, па нашиот тим ќе биде еден од спаринг партнерите во пресрет на турнирот.
Македонија последен пат се соочи со Хрватска на 12.октомври 2012 година во Скопје, кога гостите слаеа со 1-2 во рамки на квалификациите за Светското првенство во 2014 година. На досегашните осум дуели против Хрватска, Македонија има една победа, два нерешенни резултати и пет порази.
Селекторот Благоја Милевски изрази задоволство што Македонија ќе одигра пријателски натпревар со една репрезентација од светскиот фудбалски врв како што е Хрватска.
„Ни претставува задоволство што против Хрватска, една од најсилните европски селекции, ќе одиграме контролен натпревар. Тое е потврда за нашиот статус, силните репрезентации со голема почит гледаат на нашата селекција. Натпреварот ќе биде одлична можност да напредуваме како тим и се разбира да се обидеме да ја зголемиме конкуренцијата во тимот пред почетокот на квалификациските натпревари“, изјави селекторот Благоја Милевски.