Лука Дончиќ беше прва ѕвезда на божиќната програма во НБА-лигата. Бостон го доби класикот против Лос Анџелес лејкерс, а победи остварија и Њујорк, Денвер и Мајами.
Феникс традиционално е еден од омилените противници на Лука Дончиќ, кој го предводеше Далас до победа од 128-114 на гостувањето во Аризона. Словенецот постигна 50 поени и ја надмина бројката од 10.000 поени на вкупно 358 натпревари во НБА-кариерата, а одличната игра ја надополни и со 15 асистенции. Главните ѕвезди на Санс не беа премногу расположени па Кевин Дурент и Девин Букер заедно искомбинираа 36 поени.
Во вечното дерби, Бостон славеше во Лос Анџелес против Лејкерс со 126-115. Сите петмина стартери на Селтикс имаа 18 или повеќе поени, а најмногу се истакна Кристапс Порцингис со 28 поени и 11 скока. Кај Лејкерс, Ентони Дејвис имаше 40 поени со 13 скока, а Леброн Џејмс застана на 16 поени.
Шампионот Денвер го совлада Голден Стејт со 120-114, Њујорк пред своите гледачи беше подобар од Милвоки со 129-122, а домашна победа оствари и Мајами против Филаделфија од 119-113.