Луис Суарез е на чекор да потпише договор со Интер Мајами и да му се приклучи на својот стар пријател Лионел Меси во МЛС-лигата.
Уругваецот го носеше дресот на бразилскиот тим Гремио, но откако му заврши договорот тој изрази желба повторно да заигра во ист тим со Меси. Голгетерот наскоро ќе биде промовиран во американскиот состав и ќе потпише едногодишен договор со можност истиот да биде продолжен и за 2025 година.
Меси и Суарез заедно ја предводеа Барселона во еден од најдоминантните периоди во европскиот фудбал, а сега во Мајами друштво им прават уште двајца поранешни играчи на Каталонците од славните времиња, Серхио Бускец и Жорди Алба.