Новиот малцински сопственик во Манчестер Јунајтед, кој ќе има клучна улога во трансфер политиката на клубот, Џим Ретклиф имал средба со Грем Потер, кој по овој состанок се смета за најсериозен кандидат за нов менаџер на клубот од Олд Трафорд.
Британскиот милијардер и сопственик на компанијата ИНЕОС официјално ќе ја преземе оваа улога на почеток од следната година, но Ретклиф очигледно не сака ништо да препушти на случајноста и веќе го подготвува теренот за смена на актуелниот менаџер Ерик Тен Хаг.
Покрај Потер како еден од кандидатите за наследник на Холанѓанецот се потенцира Јулен Лопетеги, но предност има поранешниот предводник на Брајтон и Челзи бидејќи Ретклиф често потенцира дека сака на чело на екипата да дојде тренер од Островот.
Потер во моментов е без ангажман откако во ноември минатата година доби отказ во Челзи, а на клупата на тимот од Стемфорд Бриџ дојде неколку месеци претходно по смената на Томас Тухел.
ФОТО: Игор Паневски