Јанис Адетокумпо постигна неверојатни 64 поени во победата на Милвоки од 140-126 против Индијана. Грчкиот кошаркар го сруши тимскиот рекорд претходно поставен од 57 поени претходно поставен од Мајкл Ред во 2006 година. Интересно Пејсерс станаа вистински пациенти на Адетокумпо, бидејќи на 9.ноември постигна 54 поени против овој тим. Можеби затоа по завршувањето на мечот гостинските кошаркари ја украдоа топката, која Адетокумпо сакаше да ја задржи како сувенир од неговиот неверојатен настап.
Лос Анџелес лејкерс без Леброн Џејмс во составот славеа на гости кај Сан Антонио со 122-119. Ентони Дејвис ја презеде одговорноста со 37 поени и 10 скока, додека Виктор Вембањама кај Спарс имаше 30 поени и 13 скока.
Филаделфија му го нанесе на Детроит 21.пораз по ред во лигата со 129-111 на гостински паркет. Жоел Ембид имаше 41 поен и 11 скока за Сиксерс. Кај Пистонс најдобар беше Бојан Богдановиќ со 33 поени.
НА ОСТАНАТИТЕ НАТПРЕВАРИ
Вашингтон – Њу Орлеанс 122-142
Мајами – Шарлот 115-104
Торонто – Атланта 135-128
Хјустон – Мемфис 117-104
Феникс – Бруклин 112-116
Јута – Њујорк 117-113