По завршувањето на сезоната АТП ги објави листите на номинирани кандидати за доделување на наградите за годинава што изминува.
Во конкуренција за најдобар тренер се наоѓаат Горан Иванишевиќ, кој работи со светскиот рекет број 1, Новак Ѓоковиќ, Хуан Карлос Фереро, тренерот на Карлос Алкараз, Дарен Кејхил и Симоне Вангоци (Јаник Синер), Крег Бојнтон (Хуберт Хуркач) и Брајан Шелтон (Бен Шелтон).
За спортски потег на годината или наградата Стефан Едберг, номинирани се Карлос Алкараз, Хуберт Хуркач, Григор Димитров и Јаник Синер.
За најголемо враќање во сезоната во конкуренција се Доминик Кепфер, Гаел Монфис, Јан Ленард Штруф и Александер Зверев додека во конкуренција за признанието Играч со најголем напредок се Матео Арналди, Кристофер Јубанкс, Бен Шелтон и Јаник Синер.
Во трката за признанието што му се доделува на тенисерот кој има статус ѕвезда во подем останаа Флавио Коболи, Артур Филс, Алекс Микелсен, Доминик Стрикер и Лука Ван Аше.
ФОТО: Игор Паневски