Новак Ѓоковиќ го освои АТП финалето во Торино по денешната победа против фаворитот на домашната публика Јаник Синер и тоа во два сета.
Српскиот тенисер му се одмазди на Италијанецот за поразот во групната фаза па вечерва фуриозно во два сета со по 6-3 стигна до седмата рекордна титула на овој завршен сезонски турнир и го мина Роџер Федерер на првото место.
Се чини Ѓоковиќ играше многу потешко во групата, бидејќи се мачеше да дојде до двете победи против Руне и Хрукач во три сета. Вчера во полуфиналето о 6-3 и 6-2 го прегази Карлос Алкараз, а денеска Синер освои само еден гем повеќе.
Ѓоковиќ уште претходно го имаше обезбедено првото место на АТП-листата за оваа 2023 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.