Познати се полуфиналните двојки на ВТА завршниот турнир што се одржува во Канкун.
Во решавачкиот дуел од А групата кој беше прекинат поради дожд, првата носителка Ирина Сабаленка успеа да ја совлада Елена Рибакина и да се пласира меѓу четирите најдобри. Белорусинката во три сета со 6:2, 3:6 и 6:3 ја совлада ривалката од Казахстан и за влез во големото финале ќе се соочи со Ига Швјонтек која за потврда на првата позиција во Б групата триумфираше над Онс Жабер препуштајќи и само три гема.
Во второто полуфинале ќе се сретнат Џесика Пегула и Коко Гоф, која во последното коло славеше над Маркета Вондрушова со 2:1 по сетови 5:7, 7:6 и 6:3.
ФОТО: Игор Паневски