Хуберт Хуркач дојде до својата втора мастерс титула во кариерата откако денеска во големото финале на турнирот во Шангај успеа да го победи Андреј Рубљов
Полскиот тенисер спаси меч топка за да го победи Русинот во три сета со 6-3, 3-6 и 7-6. Хуркач, кој има 26 години стигна до својата седма титула во кариерата на АТП турнејата, а втора на мастерс турнирите по онаа во Мајами во 2021 година, кога го победи Јаник Синер. Сега тој е само 335 бодови зад Холгер Руне, кој се наоѓа на осмото место и со нови добри настапи се надева на пласман на завршниот мастерс турнир во сезоната што ќе се одржи во Торино.
Во меѓусебните дуели со Рубљов, Хуркач поведе со 3-2.