Лина Ѓорческа е победничка на ИТФ турнирот што се одржа во Куршумлиска бања и се играше за награден фонд од 40.000 долари.
Најдобрата македонската тенисерка до првата титула сезонава, а вкупно 13. во кариерата стигна откако во финалето со 6:3 и 6:3 во меч што траеше 66 минути ја совлада Антонија Ружиќ од Хрватска.
За победата на фјучерсот Ѓорческа ќе освои 70 поени и има огромни шанси повторно да се врати меѓу најдобрите 200 тенисерки на светот.
Следната недела Ѓорческа ќе биде дел од ИТФ турнирот што се игра во Италија.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.