Данил Медведев ќе игра во големото финале на Ју-Ес Опен против Новак Ѓоковиќ откако го елиминираше актуелниот бранител на трофејот Карлос Алкараз.
Рускиот тенисер потсети на своите најдобри моменти откако утринава доминантно го надигра младиот Шпанец. Медведев славеше со 7-6, 6-1, 3-6 и 6-3 и закажа реприза со Ѓоковиќ од финалето во 2021 година. Тогаш Русинот успеа да го победи Ѓоковиќ, кој пак сега ќе има шанса за реванш.
Србинот во три сета го елиминираше младиот Американец и миленик на публиката во Њујорк, Бен Шелтон. Ѓоковиќ победи со 6-3, 6-2 и 7-6 и стигна до своето 10-то финале на Флашинг Медоуз. Интересно е тоа што Србинот ја продолжи низата победи против американски тенисери на 31 меч. Последен пат загуби од Американец од Сем Квери на Вимблдон во 2016 година.